Модните дизајнери одамна ги поставија модните трендови за сезоната есен/зима. Како вистински познавачи на модата, сите ги очекуваме нивните предлози, со цел да изгледаме модерно и шик. Кои трендови ги наметнаа дизајнерите за оваа сезона?
Металик нијанси
Како најнов и најголем тренд се металик нијансите на скоро речиси сите бои. Продавниците веќе се исполнети со модели во овие бои, па освен аксесоари, сега може да купете здолниште, палто, па дури и чевли во сребрена или златна нијанса.
Кариран капут
Трендот кој најмногу го сакаме е карираниот капут. Конечно ќе ги заборавиме црните еднолични капути, а линиите во разни бои ќе ни го обојат сивилото.
Плиш материјал
Уште еден тренд кој на големо зема залет е плиш материјалот. Познатите веќе почнаа да го негуваат и постојано се појавуваат во јавност облечени во плиш фустан со плиш чизми.
Маички без прерамки
Нема ништо посекси од разголени рамена, а токму маиците без прерамки се вистински хит цело лето, кој ќе продолжи да се носи и преку есен. Пронајдете некои маица во бордо, кафено или маслинеста боја и комбинирајте ги со панталони.
Цветни дезени
Уште од минатата година, токму цветниот дезен беше актуелен помеѓу девојките. Но, оваа година продавниците се преплавени со цветни дезени во малку потемни нијанси, па повеќе не се двоумете дали да го купете еднобојниот или цветниот фустан.
Ѓердани припиени за врат
Оваа есен може да заврзете само една црна лента на врат и истата да биде најмодерниот накит. Но, не би било лошо да ставете некој превезок.
Бомберси
Овој вид на јакни, кај нас се уште немаат некој назив, но се мошне популарни. Ем може да ги комбинирате на патики ем на високи потпетици, изборот е ваш!
Ранци
Конечно збогувајте се со големите чанти на едно рамо.. барем оваа сезона! Изберете платнени, цветни, па дури и кожни ранци.