Доделувањето на Еми наградите уште еднаш ни овозможи да ги видиме познатите ѕвезди во своето најдобро издание на црвениот тепих.
Иако некои од нив и повеќе од очигледно потфрлија во модниот избор, вечерта помина без поголеми изненадувања, барем кога станува збор за модните креации.
Ѕвезда на настанот несомнено е Емили Ратајковски во модното парче од колекцијата на Зак Посен, кој воедно и беше нејзин партнер за вечерта. Темно синиот фустан со необичен крој го истакна вродениот сексапил на Емили, па со право беше една од најубаво облечените на доделувањето на наградите.
Колумбиската дива, Софија Вергара, ги стегна своите раскошни облини во бел модел со металик детали од модната куќа на Версаче.
Сосема очекуван избор за Софија, со оглед на тоа дека секогаш избира фустани кои ќе го „скротат“ бујното деколте, а притоа нема да изгледа вулгарно.
Една од оние кои повеќе привлекоа внимание со тенот, отколку со фустанот беше Клер Дејнс. Актерката претера со третманот за потемнување, па на црвениот тепих се појави видно потемна од она што реално е.
Златниот фустан што го носеше, ќе биде далеку повпечатлив доколку се појавеше со својата природна боја на кожата. Лажниот тен ја засени креацијата, па на социјалните мрежи доби лавина коментари дека изгледа портокалово и „препечено“.
За тоа како изгледаа преостанатите ѕвезди и кој потфрли, а кој блесна на вечерашното доделување погледнете ги следните фотографии.
