Би било фино кога сите би можеле да си дозволиме модни парчиња изработени од висококвалитетни материјали, како свила, кашмир и слично, но нашиот џеб не секогаш може да подржи поголеми инвестиции за облека.
Не грижете се! Понекогаш и најобичната облека може да даде полуксузен впечаток од скапата гардероба, сè додека знаете како да ги комбинирате парчињата.
Играјте си со неутралните тонови
Сите неутрални бои се добродојдени од чиста причина што одлично се вклопуваат во другите бои. Ако направите комбинација од повеќе неутрални бои тогаш вашиот стајлинг ќе изгледа полуксузно.
Класична кошула и сако
Класичната кошула што ја прати линијата на телото заедно со модерно сако, во секоја ситуација изгледа отмено и безвременско. Можете да ги носите во град, а воедно и на работа.
Паметни комбинации на бои
Сите велат дека чантата и чевлите треба секогаш да бидат во иста боја. Но, вие бидете подрски кога станува збор за модата, па во игра внесете ги и модните додатоци како марамите, ѓерданите, шапките и ракавиците.
Моќен впечаток во црно – бела комбинација
Монохроматските споеви на облека даваат доза на елеганција, што пак секогаш изгледа моќно и впечатливо. Сепак, наместо да се фокусирате на црното со цел да изгледате послабо, експериментирајте и со белата боја.
Металик детали
Не плашете се да посегнете по облека што има сребрени и златни детали. На овој начин ќе носите модно парче, на кое не му треба дополнителен накит, а повторно изгледа впечатливо.
Се под конец
Што и да носите секогаш трудете се да е чисти, без дамки и скинати делови. Не би сакале насекаде да ви висат конци додека се обидувате да изгледате шик. Истото важи за чевлите. Одржувајте го нивниот сјај, зошто тие допридонесуваат многу за целокупниот изглед.