Жените се непозната книга за повеќето мажи и многу им е тешко да откријат дали чувствуваат некоја хемија или не. За повеќе да не се мачите да ги одгатнете, забележете дали ги покажува следните интереси, а со тоа ќе дознаете дали ѝ се допаѓате.
Одвојува време за вас дури и кога нема многу време – размислете, кој во денешно време би ги менувал своите планови и дневната рутина само за да оддели малку време за вас? Тоа ќе го направи онаа на која многу ѝ се допаѓате.
Љубоморна е – ако жената е заинтересирана за вас, ќе биде љубоморна ако зборувате за симпатии кон некоја друга жена. Тоа е уште еден знак, бидејќи нема да биде љубоморна ако ве гледа само како пријател.
Се труди да дознае дали и таа вас ви се допаѓа – и ќе се труди тоа да го прави суптилно, односно ќе ви праќа сексуални сигнали како што е лижење или грицкање на усните, ќе си игра со косата и слични движења. Во тие моменти, таа очекува нешто да преземете доколку и вие ги имате истите симпатии кон неа.
Може да каже нешто во стилот на „Немој да си странец“ – што значи дека покажува како сака да бидете покомуникативни и да се зближи со вас.
Прва ве бара или ви пишува – што е прилично јасен знак дека многу и се допаѓате, бидејќи тоа не го прави од досада. Освен тоа, многу жени чекаат мажот да го направи првиот чекор.
Ве допира – што е огромен знак бидејќи не може да одолее да не ве допре, без разлика дали ќе направи дека тоа било случајно, но всушност направено е со намера. Очигледно и се допаѓа нешто кај вас и не може да се воздржи.
Ви дели комплименти и се шегува со вас – овој знак не мора со сигурност да покажува дека сте и привлечни, но често е така. Всушност, жената сака да и обратите внимание и се труди да види како ќе реагирате на она што ви го кажала. Исто така, жените не се многу склони кон делење на комплименти, па тоа може да биде добар знак дека и се допаѓате.
Поставува многу лични прашања – тоа го прави затоа што сака многу подобро да ве запознае и да биде сигурна дека сте мажот со кој сака да биде моментално. Размислете, сигурно не би го правела тоа доколку не и се допаѓате.