Џиџи Хадид можеби ја доби наградата за Интернационален модел, но Никол Шерцингер беше онаа која го украде сето внимание на годинешните Британски модни награди.
Како и секоја година, така и овој пат, салата „Ројал Алберт Хол“ беше преполна со ѕвезди од светот на модата и шоу бизнисот кои се потрудија да се претстават во најдобро можно светло на црвениот тепих.
Најактуелната манекенка во моментот, Џиџи Хадид, блесна пред фоторепортерите во сива креација со необичен крој од колекцијата на Ателје Версаче.
И можеби токму ова парче на облека ќе биде совршениот избор за да ја направи Џиџи главна ѕвезда на вечерта, да не беше Никол Шерцингер која реши да си поигра со имагинацијата на присутните.
Поранешната членка на Pussycat Dolls и актуелен судија во X Factor шоуто, избра модел од Julien Macdonald во кој не можете, а да не се запрашате дали е гола или пак сè e игра на бои.
На ова модно случување имавме можност да ги видиме Кејт Мос, Наоми Кембел, Лејди Гага, Лара Стоун и ред други познати дами облечени во креациите на светски познатите брендови. За тоа како изгледаа дел од нив, погледнете во прилог.