Со крајот на годината едно модно поглавје се затвора, а друго се отвара. Изминатата 2016 година, беше една од најдобрите години за стрит стајл модата, а изгледа дека и идната година ќе продолжат да се развиваат тие трендови. На некои е време да им кажеме довидување, а други да ги пречекаме.
Модни трендови со кои ќе се збогуваме
Корсети
Ова парче облека беше голема појава уште на почетокот на 2000-те години. Ги гледавме и на црвениот тепих и во медиумите. Но, изгледа дека доста ни е од нив.
Тесни фармерки
Веќе сѐ повеќе се застапени широките модели на фармерки, а оние тесните полека но сигурно си заминуваат од модниот свет.
Слатко и романтично
Следната година ќе дојде до реинтерпретација на овој стил. Нема да се носат романтични парчиња облека, туку ќе се наметнува оној стил за кој не е потребно премногу размислување.
Потпетици над 10см
Високите потпетици полека, но сигурно стануваат застарени модели и сѐ повеќе се изработуваат штикли и чизми со пониски пети.
Класични патики
Ако имате бели класични патики, време е да ги заборавите. Веќе нема да бидат во мода.
Модни трендови кои ќе ги пречекаме во 2017 година
Дезен со линии
Овој тренд едноставно не старее. Постојано е во мода, а веќе може да го видиме и на различни маици, џемпери, јакни, па дури и панталони. Ако до сега не сте го носеле, слободно посегнете по некое парче со овој дезен.
Живописни патики
Да, кажавме дека обичните и класични патики веќе се досадни, па време е да им дадете шанса на оние шарените. Купете црвени, зелени, жолти, сини.. какви и да земете, нема да погрешите.
Принтови инспирирани од уметноста
Модните писти се исполнети со принтови инспирирани од уметниците. Бидете во мода и набавете си едно вакво парче.
Едноставна елеганција
Овој тренд е отсекогаш присутен и е многу ценет меѓу тренд-сетерките. Акцентот ќе биде врз спортската облека во комбинација со некои едноставни парчиња облека.
Чевли mule
Овие чевли ги носеле нашите мајки и баби, а сега повторно се во мода. Потпетиците кои изгледаат како кломпи на штикла, на големо почнаа да се произведуваат. Бидете во тренд и набавете си еден пар за пролет и лето.