Во периодот околу дочекот на новата година и целото тоа јадење и пиење кое си го носи со себе, често забораваме на себе, па се залегнуваме и не ни текнува повторно да се вратиме во форма.
Но, за да се одржуваме и постојано да сме во добра кондиција, мора постојано да работиме на себе. Сигурно сме се разгалиле и сме си дозволиле повеќе калории отколку што треба, па време е да се вратиме на нашето вежбање. А, како да се натераме?
Одете на некој нов тренинг
Ако посетувате теретана, прашајте го тренерот кој период нема многу гужва или кој период може најмногу да работите на себе. Сигурно не сакате да бидете опкружени со жени кои само разговараат меѓусебно и многу малку вежбаат, туку повеќе сакате да сте опкружени со млади кои што се грижат за своите тела.
Започнете со личен тренер
Ако се нервирате кога ги раскревате теговите и шипките, најмете личен тренер, кој ќе ви помага постојано. Но, ова не е најдоброто нешто што тој може да ви овозможи. Тој ќе ви даде одлична програма, врз основа на тоа на што сакате да работите и постојано ќе ве мотивира.
Земете го само најпотребното
Нема потреба да пакувате многу алишта или опрема за да вежбате. Во ранец ставете ги најосновните работи кои ви се потребни за еден тренинг, бидејќи некогаш и тешкиот товар може да ве одвлече од теретаната.
Имајте другар со кој ќе посетувате теретана
Ако се здружите со некого и заедно ќе посетувате теретана, многу се големи шансите да се охрабрувате еден со друг и скоро никогаш да не прескокнете тренинг. Уште позабавно е кога вежбате со некого и се надградувате.
Немојте да доцните
Не е убаво никогаш да доцните ако сте се договориле, па дури и ако самите си ветите. Уште полошо е ако кажете дека ќе одите во теретана денес во 18 часот, а воопшто да не се појавите, затоа што на тој начин самите се лажете.