Познатите модни брендови веќе ги прикажаа своите колекции за пролетната сезона 2017 и од она што можевме да го видиме на модните писти следи пролет во која моделите се со нагласени рамена и ракави.
Белата боја и понатаму останува безвременска, но овој пат трикот е во тоа целата комбинација што ја носите да е во бело.
За оние похрабрите тука се неонските материјали и проѕирните модни парчиња, кои повеќе откриваат, отколку што покриваат.
Што би била пролетта без цветниот дезен?
Цвеќињата во оваа модна сезона се „скротени“, па наместо да ги гледаме во интензивни и впечатливи бои, сега се во поумерени нијанси.