За една успешна врска е потребно многу повеќе од тоа да бидете вљубени еден во друг. Со самото тоа што ја испративме старата година, се поттикнуваме да станеме подобри, зошто да не бидеме подобри и односот со партнерот?
Бидете повеќе трпеливи
Се додека еден од вас може да се носи добро со тензична ситуација, нема да имате многу стресови. Тешко е да се контролирате, но верувајте дека токму таа контрола ќе ве спаси од повеќе нервози. Исто така, многу е важно да имате поголемо трпение за да го добиете она што го сакате.
Предлагајте повеќе идеи и планови
Немојте да не правите ништо и да се сведете на рутина. Предлагајте различни идеи и планови за состаноци со вашиот партнер. На овој начин ќе го вратите жарот меѓу двајцата.
Прашајте го дали може да го направите посреќен
Вашиот партнер ќе го цени фактот дека сте загрижени за неговите потреби. Може да откриете што е она што го прави среќен и да се трудите тоа почесто да го правите.
Бидете отворени
Бидете повеќе отворени за нови нешта, без разлика дали се работи за некој нов жанр на музика или нова поза во кревет. Откако ќе ги искусите ќе видите дали ви се допаѓаат или не, а може да откриете и некој скриен интерес.
Искажувајте повеќе чувства
Ако сте подолго време со партнерот, природно е да не покажувате многу чувства. Но, факт е дека треба почесто да ги споделувате вашите чувства и да ги искажувате на различни начини.
Бидете нивниот најголем охрабрувач
Дури и најмалите победи се вредни за да се прослават. На тој начин покажувате дека го поддржувате партнерот за што и да е. Охрабрете ги да се стремат кон своите цели и покажувајте им дека ќе бидете со нив до крајот на патувањето.
Зборувајте помалку за себе, а слушајте повеќе за нив
Отстапете му место на вашиот партнер и слушнете што има да ви каже. Со ова ќе сфати дека се грижите за него и тука сте да му помогнете.