Големите шоу бизнис манифестации секогаш се одлична прилика да се блесне во полн сјај, но и да се направи неверојатно модно промашување за кое што ќе се зборува долго потоа.
Оваа година од црвениот тепих на Златните глобуси, 3 нешта се мошне јасни:
- Кога се носи фустан со голем преден отвор не се мавта со него на сите страни
- Ако сте ѕвезда од А- листата и можете да си ги дозволите најубавите креации, не значи дека ќе изберете правилно
- 3. Колку и да се залагате за природен изглед, влакната под пазувите никогаш нема да бидат ин
Ајде да одиме со ред.
Емили Ратајковски избра креација во која што би се рекло „покажа нога“.
Сепак, сексапилната актерка и модел, требаше да знае дека ваквите фустани не се мавтаат на сите страни зошто лесно може да се види нешто што не треба. Во случајот тоа се гаќичките на Емили. Среќа во несреќа е што не беше гола.
Ѕвездите од типот на Никол Кидман, Хајди Клум и Сара Џесика Паркер, досега сме ги виделе во креации од кои ни застанал здивот, се разбира во позитивна смила на зборот.
Но, изгледа дека со годините започнуваат да го губат добриот вкус или пак толку многу се трудат да бидат забележани што вртоглаво потфрлуваат.
Актерката Лола Кирке реши да биде забележана на друг начин. Не поради својот фустан, туку поради влакната под мишките. Дали тоа му се допадна на некого? Не би рекле.
За волја на вистината на црвениот тепих видовме и некои интересни фустани кои со право ни го привлекоа вниманието. Овие ѕвезди можеме да ги поздравиме поради вистинскиот избор на стилисти, а воедно и поради тоа што не дозволуваат да изгледаат како модни кловнови.
