Тоа што надвор е студено не значи дека цела зима треба да ја поминете хибернирајќи на каучот. Вежбањето на отворено (се подразбира, на разумно ниски температури, не на -20°C) има одлични придобивки не само за вашето физичко, туку и ментално здравје.
1) Телото согорува повеќе калории
Вежбањето кога е студено го присилува телото да ја зголемува температурата, со што се троши повеќе енергија, притоа согорувајќи 10 до 40% повеќе калории во споредба со правење на истите вежби на „нормална“ температура во затворен простор.
2) Коските се зацврстуваат
Останувањето во затворен простор го лишува телото од сончева светлина, што како резултат го намалува производството на витаминот Д, кој е потребен за цврсти коски.
Поради тоа е потребно изложување на кожата на сонце. Дури и 15-тина минути изложување на сонце (на температури околу 10°C) произведува големи количини на витаминот Д, што е одлично за здравјето на коските.
3) Вежбањето е поефективно
Голем број студии покажале дека вежбањето на отворено дава подобри резултати отколку вежбањето во теретана. На пример, кога трчате надвор, се соочувате со неколку предизвици – узгорници, уздолници, отпор од ветрот и сл., кои е невозможно идентично да се реплицираат на лентата за трчање. Тие исто така покажале дека оние кои вежбаат на отворено се активни почесто и подолги периоди, во споредба со оние кои тоа го прават исклучиво на затворено.