Ели Сааб, познатиот либански дизајнер, ја оддржа ревијата веднаш по завршувањето на новогодишните празници. Тој уште еднаш ја покажа неговата екстраваганција преточена во елегантни тоалети.
Овогодинешната колекција „The Birth of Light“ ја прикажува елеганцијата на жената, преку истакнување на префинетата фигура. Ако некогаш во мода биле колоритните фустани, овој пат, Ели ни нагласува природни тонови, во беж, светло сина и бела боја. Тантелата и дијамантите се неизбежен дел од неговите креации.
Тоалетите со потпис на Ели Сааб можеме често да ги видиме како ги носат познати холивудски дами, меѓу кои и актерки и пејачки. Со оглед на тоа дека Оскарите се одржуваат во февруари, нема ни сомнеж дека многу актерки ќе продефилираат на црвениот тепих токму во негова креација.