Мртвото кревање е една од вежбите која би требало да е задолжителна во вашиот тренинг, бидејќи активира огромен број на мускули. Меѓутоа, доколку се изведува неправилно, во најлош случај може да доведе до сериозни повреди на ‘рбетот, а во најдобар да ве оневозможи неколку дена од вежбање и да предизвика болки долниот дел на грбот.
3 најчести грешки кои се прават при мртвото дигање се следниве:
1) Не дозволувате теговите да го допрат подот.
Помеѓу секое кревање, шипката со теговите треба да биде на подот. Сооа ја ослободувате целата тензија на телото, и му овозможувате на грбот да одмори и да се „ресетира“ во неутрална позиција, што ќе го спреми за наредното кревање.
2) Ја удирате шипката со тегови од подот
Доколку при спуштањето на шипката прејако ја лупате од подот и таа се одбива, а не ја спуштате полека и контролирано, тоа значи дека телото не ви е во целосна тензија при целиот тој процес. Покрај тоа, ова го спречува грбот да се врати во неутрална положба.
Доколку забележите дека ова ви се случува, тоа значи дека тежината ви е преголема и треба да ја намалите со цел да го изведувате мртвото дигање во правилна форма од почеток до крај.
3) На врвот на кревањето се наведнувате наназад.
Често пати при подигнувањето на тежината, кога сте во најгорната точка, ви доаѓа грбот да го закосите наназад и да ја влечете шипката со вас, додека рамениците се поставуваат во линија зад колковите.
Ова е лошо бидејќи создава огромен притисок врз ‘рбетните дискови, што може да доведе до хернија или други повреди.
За да оваа лоша ситуација се избегне, потребно е грбот да го држите во неутрална положба и да не дозволите рамениците да дојдат во линија зад колковите – тие мора да се во иста линија со нив.