Поголем дел од вежбите ви се кардио
Kардио вежбите се важни за одржување на ниски нивоа на масти и за подобрување на здравјето. Меѓутоа, кога станува збор за градење мускули, траката за трчање нема да ви помогне премногу. Кардиото ги согорува калориите и го става организмот во нивен дефицит, што е одлично за намалување на мастите при што се изразува дефиницијата на мускулите, но не и за градење на дополнителна мускулна маса.
Не користите доволно тешки тегови
Можете да користите слободни тежини или машини, но доколку не дигате доволно тежина, тоа не прави никаква разлика – мускулите нема да раснат. Со цел да се изгради мускулна маса, потребно е да се оштети мускулното ткиво со тежини кои предизвикуваат микро-кинење на мускулните влакна, кои кога заздравуваат стануваат посилни и по густи.
Не спиете доволно
Мускулните влакна заздравуваат додека спиеме – поради тоа, доколку не спиеме доволно, тие дури можат да станат уште послаби, што може да резултира со повреда и уште поголеми проблеми со спиењето.
Не сте постојани со рутината на вежбање
Најефикасен начин на вежбање е оној кој вклучува три интензивни тренинг сесии со отпор, и две сесии со помал интензитет неделно. За градење на мускулна маса, пожелно е и вежбање на секоја мускулна група двапати неделно.
Сте развиле мускулна нерамнотежа
Мускулната нерамнотежа може да ја ограничи вашата способност за ефикасно вежбање, и да доведе до повреда. Вообичаена нерамнотежа кај жените е помеѓу јаките предни мускули на нозете (квадрицепс), и задните кои често се затегнати и послаби поради долго време поминато во седење, на високи потпетици, или поради неправилно вежбање.
Вежбате со неправилна форма
Доколку вежбите не се изведуваа правилно, невозможно е да се развие било каков прогрес. Доколку не сте сигурни како некоја вежба се изведува, подобро е воопшто да не ја правите отколку да ризикувате потреба. Затоа , задолжително консултирајте се со тренерот за секоја вежба, доколку сакате ефикасно да си ја развиете мускулатурата.