Постои една изрека која вели: Мора да престанеш да ги наводнуваш мртвите цвеќиња. Ако ја примениме за љубовните врски, тоа наједноставно би значело дека треба да престанеме да инвестираме време, љубов и внимание во нешто што никогаш нема да нè направи вистински среќни.
Tажно е кога сме во врска, а постојно се чувствуваме осамено. Впрочем постојат многу луѓе кои се во врска, за да не би биле сами, а на крајот завршуваат уште поосамено од кога биле сингл.
Од тука се поставува прашањето: Како да бидеме сигурни дека сме избрале партнер со кој храбро ќе им се спротивставиме на сите животни предизвици?
Знае како да ви се радува – тоа е нешто што ќе го забележите во неговите очи секој пат кога ќе постигнете некој успех. Ако партнерот искрено им се радува на убавите нешта кои што ви се случуваат, а не се поврзани со него, со сигурност сте нашле добра личност.
Ви дава простор за растење – ова значи дека ве подржува во вашите планови и желбата да одите напред. Сака да успеете во сè што сте замислиле и секогаш е тука да ви даде безрезервна поддршка.
Секогаш постои простор за компромис – како за малите, така и за големите нешта. Компромисот е од витално значење бидејќи се труди да ја согледа и вашата страна на работите.
Ви верува – без разлика дали станува збор за излегување до доцна со пријателите или пак за нешто сосема друго, постои доверба.
Не лечи комплекси на вас – кога се бори со сопствените демони, не се истура на вас и не дозволува неговите его проблеми да се рефлектираат на врската.
Можете да му кажете сè – немате проблем да бидете свои пред него и да си ја отворите душата, затоа што знаете дека ве прифаќа и сака токму онакви какви што сте.