Пролетта е одлично време да започнете со вежбање и подготвување на телото за летната сезона. Сепак, пред да се затворите во тератана, размислете два пати, зошто вежбањето надвор е далеку подобро.
1) Го намалувате ризикот од рак
Студии објавени во Американскиот журнал за јавно здравство сугерираат дека зголемување на нивото на витаминот Д може да го редуцира ризикот од рак на простата и колоректален карцином, што значи за поздрав живот дефинитивно треба да вклучите и вежбање на отворено во својот распоред.
2) Го подобрува имунолошкиот систем
Истражувачи од разни универзитети откриле поврзаност помеѓу вежбањето на отворено и подобреното имунитетно здравје – индивидуите кои во текот на 3 дена 2 пати дневно пешачеле имале зголемен број на бели крвни клетки за 40%, а тие бројки биле високи и 30 дена по завршувањето на експериментот.
3) Ја подобрува меморијата
Истражувачи од Калифорнискиот Универзитет откриле дека ниското ниво на витамин Д предизвикува предиспозиција за губење на меморијата како што старееме, така што секое вежбање на отворено може да прави голема разлика за понатаму во животот.
4) Ќе чувствувате помалку стрес
Истражувања сугерираат дека умерена количина на ултравиолетова светлина ги намалува симптомите на депресија додека ја зголемува количината на ендорфини, што ве прави помалку подложни на стрес секојпат кога вежбате.
5) Го подобрувате метаболизмот
Најдобро што може да направите за вашиот метаболизам е да почнете да вежбате, а неговата ефикасност уште повеќе ја подобрувате доколку тоа го правите на отворено, бидејќи витаминот Д влијае и на подобрување на способноста на метаболизмот да согорува маснотии.
6) Го подобрува видот
Разни студии покажале дека не само што подобрената циркулација од вежбањето е добра за здравјето на очите, туку и дека витаминот Д помага за подобрување на видот и го намалува ризикот од макуларната дегенерација предизвикана од стареењето.