Го знаете она чувство кога не ни прашувате за цена, па веднаш се откажувате од идејата да купите нешто затоа што мислите дека не ви е во рамките на буџетот? И ние исто! Од најмалите, до најголемите работи во животот, секогаш претпоставуваме...
Пред некое време ги посетивме отворените свадбени денови во Скопје Мериот Хотел, каде под мотото „Will you Marriott me“ во текот на месец април се одржуваат консултации за венчавки.
Во рамките на истите, сите идни невести, а воедно и парови може да се информираат за тоа како изгледа да се организира венчавка во Скопје Мериот. Со оглед на локацијата на хотелот, првата претпоставка е дека менито е народски кажано „ѓавол и пол“. Но, истата е далеку од вистината. Освен тоа што не е толку скапо, има интересна палета на богати менија кои би ги задоволиле и најпребирливите. Се разбира тука е и опцијата самите да си креирате мени во консултација со главниот готвач.
Оние кои сакаат венчавка за паметење, дефинитивно ќе се пронајдат во целиот концепт, а воедно пријатно ќе се изненадат од сите нешта кои што се во понудата на хотелот.
Деновите се одржуваат секоја недела во месец април од 12 до 17 часот во лобито на Мериот Хотел, па доколку планирате венчавка и сакате да ги разгледате понудите, ќе добиете и бесплатни консултации со професионален планер за венчавки.
