Силата е основа на секојдневните акти на физичката активност и не е лимитирана со големината и капацитетот на мускулите. Кога сме појаки, стануваме подобри и во способноста за губење на тежина, побрзо трчаме и удираме.
Еве неколку стратегии за нејзино зголемување:
1) Правилно изведување на големата четворка
Најдобри вежби за зголемување на силата се оние од „големата четворка“ – т.н “чучњеви“ (squats), мртво кревање (deadlift), подигање на рамна клупа (bench press) и преса за рамења (shoulder press), кои во никој случај не смеат да се занемарат, покрај останатите вообичаени вежби. Од исклучително важно значење е правилно да ги изведувате овие вежби, во спротивно ризикувате повреди, од кои дел може да се прилично сериозни (поврзани со ‘рбетот)
2) Започнете со тегови на шипка
Теговите на шипка се теретанските „кралеви“, а бучиците „кралици“. Секогаш започнувајте го тренингот со вежби со тегови на шипка (како оние од големата четворка), а потоа преминете на вежби со бучици или сопствена тежина. Нормално, во таа комбинација може да ги вклучите и машините.
3) Постепено зголемувајте ја тежината
Главната причина поради која се постигнува плато и не се зголемува силата е доколку се вежба со предолго со преголеми тежини. Оставете го егото настрана и за главните вежби користете 10% помала тежина од максималната која што може да ја кренете, и зголемувајте ја со секоја наредна сесија, но не повеќе од 4.5kg. На овој начин продолжете да ги правите истите вежби, и ретко ќе стагнирате.
4) Не го занемарувајте кардиото
За да зајакнете додека ги губите маснотиите, не го избегнувајте кардиото, туку само трчањето или возењето велосипед на долги патеки. Кардиото вежбајте го во кратки и интензивни интервали – на пример, доколку трчате во теретана, наместете ја лентата на поголема косина и спринтајте „до врвот“, а потоа израмнете ја и чекорете побавно. Правете најмногу спринтови што можете, а во секој нареден тренинг зголемувајте го нивниот број.