Што е тренди на црвениот тепих? Судејќи по отворањето на Канскиот филмски фестивал, тоа несомнено се фустаните со висок преден шлиц каде акцентот е ставен на едната нога.
Ваков избор направија Ева Херцигова, Емили Ратајковски, Бела Хадид, Ума Турман и Сузан Сарандон.
Ева избра златен фустан од колекцијата на Роберто Кавали, кој го комбинираш со златна чантичка и сребрени високи потпетици.
Фустанот на Емили Ратајковски пак многу наликуваше на оној што го носеше Бела Хадид минатата година. Станува збор за модно парче со потписот на Twinset, но овој пат во бела боја.
Ума Турман несомнено ја носеше најелегантната верзија на фустан со преден шлиц. Нејзината нежно розова креација е од модната линија на Версаче и одлично се вклопи во целиот гламурозен стил на Турман.
Бела Хадид традиционално покажа долна облека во провокативниот модел од Alexandre Vauthier, додека Сузан Сарандон избра да носи креација од Alberta Ferretti.