Не може секогаш да го темпираме времето на летниот одмор и нашата месечна менструација. Некогаш се погодува да добиеме за време на летувањето, некогаш уште пред да отидеме. Но, што тогаш?
Многу жени посегнуваат по тампони со цел да се бањаат и да не им пропадне одморот. Тоа е можеби еден од најдобриот спас во тој период, смета гинекологот д-р Јасенка Грујиќ. Девојките и жените се уште се со поделени мислења за користење на тампони, па можеби токму советите од д-р Грујиќ ќе ве натераат да ја донесете конечната одлука.
- Грешка број 1 која ја прават жените при користење тампони за време на летување е дека не ги менуваат доволно често. Тампонот би требало да го менувате на секои три до четири часа, односно секогаш кога ќе излезете од вода, советува гинекологот. Таа исто така ни даде одговор на две најважни прашања.
Смеам ли тампонот да го ставам превентивно, односно во периодот кога очекувам да добијам менструален циклус?
Превентивното ставање на тампон не е штетно и жената може да го користи доколку треба да добие менструација, а истовремено сака и да се бања.
Смеам ли да користам тампон ако имам вагинална инфекција или воспаление на мочниот меур?
Може да се користи, но се советува пред внесување да го намачкате тампонот со крема Canesten или слично средство против вагинални инфекции. Кога станува збор за воспаление на мочниот меур, мора внимателно да го ставите и тогаш не би требало да имате проблеми.