За да добиете најдобри резултати од секоја тренинг сесија, треба да посветите време и на рутината која следи по вежбањето. Еве неколку сугестии од фитнес професионалци во врска со тоа што треба да го правите по секој тренинг.
1) „Ролајте“
По вежбањето, користете ролер од пена пред да ги правите вежбите за истегнување. Ролерот влијае на тенкото фиброзно ткиво околу мускулите и овозможува подлабоко истегнување, а помага за зголемување на флексибилноста, ја подобрува циркулацијата на крв и ги разбива „јазлите“ во меките ткива.
2) Постепено смирете го телото
Веднаш по тренингот смирете го телото уште некои 5 минути, со лесни кардио вежби за да се ослободат метаболичките отпадни продукти. На пример, доколку сте трчале, тие 5 минути поминете ги во брзо одење или бавен џогинг.
3) Правете вежби за истегнување
За оние кои веќе се флексибилни вежбите за истегнување не се препорачуваат, a тие најмногу се препорачуваат по бодилбилдинг тренинг со големи тежини. Истегнувањето му помага на нервниот систем да се релаксира и закрепне, што како резултат влијае и врз мускулите.
4) Внесувајте течности
Телото се поти за да се олади за време на исцрпувачктие вежби, а без обновување на течностите кои ги губите преку потта и урината, настапува дехидрација.
Правилната хидратација ја регулира температурата на телото и ги подмачкува зглобовите, а за да знаете дали сте дехидрирани најдобар показател е урината. Доколку е чиста или проѕирно жолта како лимонада, вашиот статус на тоа поле е добар. Сè потемно од тоа е знак дека може да настапи (или настапила) дехидрација.
5) Консумирајте протеини
Периодот во кој телото се опоравува по интензивен тренинг трае од 24 до 36 часа и за тој период треба да внесувате што повеќе протеини и есенцијални амино киселини со оброците или суплементите. Обично се препорачува консумирање на протеински оброк или напиток во првиот час по вежбањето, иако тој тајминг не е воопшто критичен, а неговата количина треба да е адаптирана според вашите цели, дали тренирате за поголема маса, слабеење и сл.