Сигурно некогаш сте го забележале вашето дете како се врти во сон или наеднаш се буди плачејќи, лошо сонува, односно има ноќна мора.
Кошмарите се честа појава кај децата особено кај оние од втората до шестата година. Ноќните мори не оставаат никакви лоши последици врз децата иако родителите премногу се грижат кога нивното дете ќе се соочи со ваков проблем.
Кога детето има ноќна мора, најчесто почнува да плаче во сонот, не е свесно за околината и за луѓето во неа и не може да се смири. За среќа овие симптоми траат кратко. Доколку вашето дете ви каже што се случило во текот на ноќта, разговарајте со него, сепак не бидете изненадени ако не се сеќава што сонувало.
Кошмарот најчесто се јавува во првата половина од сонот. На повеќето деца со текот на времето им престануваат ноќните мори. Постојат и такви на кои им продолжуваат, па ако дојде до тоа побарајте совет од вашиот лекар.
Ноќните мори најчесто се јавуваат кај деца кои се преморени и ненаспани. Практикувајте вашето дете да оди на спиење во исто време секој ден и подгответе една пријатна атмосфера за спиење. Прочитајте му убава приказна за деца притоа да сфати дека сите понекогаш имаме лоши сонови за да може да заспие полесно и побрзо. Најдобрата средина за читање приказни е во кревет и со пригушено светло.
За детскиот развој сонот е многу важен, па затоа трудете се секојдневно вашето дете да го има. Доколку за него се грижи дадилка или некоја ваша блиска личност, задолжително објаснете и дека постои можност од кошмари и подгответе ја како да реагира доколку се случи оваа несакана ситуација.