Одржувањето на здрава врска не е ни малку лесна работа, но секогаш е важно да имате трпение и волја. Французинките тоа најдобро го знаат, па токму затоа ви споделуваме неколку нивни совети до кои тие се придржуваат:
Фокусирајте се еден на друг
Ова е тешко да го постигнете секојдневно, но многу е важно да одвоите време само за вас двајца. Работата, грижите, обврските, децата и семејството може да почекаат барем еден час. Бидејќи ако не можете да си посветете малку време еден на друг, вашата искра полека ќе почне да згаснува.
Во ред е да фантазирате
Нема ништо лошо во повремено фантазирање за други личности кога сте во долгогодишна врска. Секако, додека остане само на тоа. Сите сме луѓе и нормално е да не привлекуваат и други личности. Фантазирањето не треба да претставува ризик за врската, туку треба да послужи како еден од начините за одржување на љубовта.
Патувајте заедно
Излезете од секојдневието и заминете негде на патување, само вие двајца. Без разлика дали тоа би било само викенд или повеќе денови, изберете локација која и на двајцата ќе ви се допаѓа. Важно е да сте сами и да се потсетете зошто сте заљубени еден во друг.
Не ја занемарувајте улогата на долната облека
Французинките се познати по својот стил на облекување и по тоа што оддаваат голема важност на долната облека. Па така, во нивната гардероба секогаш се наоѓаат по неколку тантелни градници и гаќички. Иако тоа со тек на време не ви изгледа како да е важно, секси долната облека секогаш ќе прави да се чувствувате вие секси, но и посекси ќе му изгледате и на вашиот партнер.