Еми наградите поминаа без модни изненадувања. Како и секоја година, така и оваа видовме неколку интересни и впечатливи креации, како и многу модни промашувања.
Колумбиската актерка, Софија Вергара, несомнено беше една од највпечатливите ѕвезди на црвниот тепих. Најпрвин поради снежно белиот фустан, во кој дојде до израз нејзиното добро познато раскошно деколте, а потоа поради и изборот на нејзиниот партнер за вечерта.
Иако многумина очекуваа да ја видат Софија во друштво со сопругот Џо, мама Вергара за оваа прилика реши да присуствува на церемонијата со синот Маноло.
Уште една која ги сврте сите погледи кон себе беше Џесика Бејл во прекрасната креација од Ralph & Russo Couture надополнета со Forevermark дијаманти.
Секогаш гламурозна и секси, Џесика самоуверено позираше пред фотографите во фустанот со разголен грб.
Најсимпатичната дама во црвено е Никол Кидман во жар црвениот миди фустан од Calvin Klein.
Единственото нешто што „бодеше“ очи на неа, се розовите сандали, но и покрај тоа успеа да собере низа позитивни коментари.
Како изгледаа дел од преостанатите гости на вечерта погледнете во следната фото галерија.