Љубовта е комплицирана емоција. Уште потешко е да ја разберете кога не сте сигурни дали некој ја чувствува кон вас. Доколку барате некои знаци кои ќе ви покажат дека на некого сте му подраги од пријател, имаме неколку работи кои треба да ги прочитате.
Дали знаете дека мажите и жените имаат различен говор на телото кога се еден до друг и кога чувствуваат привлечност еден кон друг?
1. Го добива вашето внимание
Кога на некого му се допаѓате, тој/таа ќе направи се за да биде сигурен дека ви го одвлекол вниманието. На пример мажите прават работи кои ќе ги насмеат жените и убедени се дека патот до женското срце е во тоа да се има добра смисла за хумор. Додека пак жените се обидуваат да го привлечат вниманието кај мажите со тоа што започнуваат да се облекуваат убаво без никаков повод. Немојте да бидете изненадени и доколку направат некакви драматични сцени како на пример да ве посипат со чаша „не сакајќи“ или пак да одглумат дека се препнале со цел да го добијат посакуваното внимание.
2. Контакт со очи
Без разлика дали се работи за маж или за жена треба да знаете дека погледот е секогаш насочен кон вас. Но, доколку се забележите и вие дека „зјапате“ во личноста, големи се шансите пријателството да прерасне во љубовна врска. Ова е еден од најпознатите начини кога забележувате дека на некого му се допаѓате.
3. Говорот на телото
Доколку не успеете да ги идентификувате претходните два знаца тогаш обрнете внимание на говорот на телото. На пример, доколку на машкото му се допаѓа некоја девојка и ужива во разговорот тој може да ја постави раката на нејзината половина, знак со кој и дава до знаење дека тој е тука за се. Жените доколку уживаат во конверзацијата ќе започнат да го допираат идниот партнер по градите, рамениците и грбот.