Некогаш се случува личноста која ви се допаѓа, да не е заинтересирана за вас или пак партнерот со кој што сте едноставно да започне да се оддалечува.
Стравот, намалената самодоверба и несигурноста стапуваат на сцена, а вам ви се појавува желба да направите нешто со кое ќе го привлечете неговото внимание, па дури и со некоја глупост.
Започнувате премногу да се грижите за него, го опсипувате со прашања сакајќи да дознаете што не е во ред, напорно трудејќи се да го освоите повторно. Но, наместо тоа тој вознемирено и луто ве бутка подалеку од него.
Болната страна на приказната е дека со секој направен чекор всушност го оддалечувате повеќе од себеси.
Во суштина машката психологија укажува на тоа дека колку повеќе сте недостапни и незаинтересирани за нив толку повеќе ги привлекувате.
Оставете тој да ви се приближи
Место да молите за да добиете дел од неговото внимание, чекајте самиот да го направи тоа. Многу е важно на една личност да и го дадете просторот кој и е потребен како би се средила сама со себе. Меѓу останатото, момците не знаат да се справат со моментот на игнорирање и веднаш ќе ви дотрчаат во прегратка со цел да го добијат вашето внимание и да ви ги кажат работите кои ги мачат подолг период.
Бидете мистериозни
Што понедостапни, тоа подобро. Колку помалку знаат за вас, толку нивната заинтересираност за вас расте. Секогаш е интересно кога се откриваат нови нешта, па тоа е така и во овој случај. Со други зборови не откривајте нешта за себе, туку дозволете тие да бидат откриени од другата страна.
Не дозволувајте да изгледате очајно
Иако тагата преовладува со вас, не дозволувајте тоа да биде воочено од негова страна. Никој не посакува да биде во друштво на ваков тип на личност.
Пробајте што повеќе да се забавувате, однесувајте се како се да е во ред и барем за момент заборавете на вашата ситуација.