Кога станува збор за модата, секогаш е интересно да се види колекција која е создадена да провоцира. Овој пат, тоа е „Подем на гревот“ од Андреј Папаз Ѓоргиевски, со која вчерaвечер во хотелот Мериот беше отворен Fashion Weekend Skopje.
Колекцијата на Папаз несомнено е нешто што нема да ве остави рамнодушни. На модната писта имавме можност да погледнеме ревија инспирирана од библиските Содома и Гомора и она што се крие зад нив – грев, блуд, разврат.
„Подем на гревот“ достојно си го носи името, совршено интригира и буди љубопитност.
Kолекцијата ја отсликува внатрешната потреба за препуштање кон задоволството, истражување на сексуалноста и целосно ослободување.
Деталите од Блискиот Исток само ја надополнуваат приказната изработена од еко кожа, жоржет, штоф и чоја.