Иако многумина веруваат дека жените се тие кои имаат најмногу комплекси во врска со себеси, сепак истражувањата покажуваат дека тоа не е така.
Имено мажите се понесигурни во себе, но тие за разлика од дамите, не го покажуваат тоа.
Неодамнешните истражувања покажаа дека најголемиот машки комплекс всушност е нивната висина, па од таа причина ниските мажи се борат со таканаречениот Наполеонов комплекс.
Уште од мала возраст тие се мета на исмејување од своите врсници поради својот низок раст, а некои психолози тврдат дека токму тоа влијае на нивната самодоверба и снаодливост во животот.
Истражувањата покажуваат дека ниските мажи потешко наоѓаат работа, што исто така се препишува на нивната ниска самодоверба. Од друга страна, се покажало и дека тие се поборбени од останатите и со својата упорност самостојно се изборуваат за своите цели во животот.