Неверства има на секој чекор, а денеска полесно е да се пребројат оние кои не изневериле отколку оние кои го сториле тоа.
Како и за сите нешта постојат митови кои се поврзани и со неверствата, а се апсолутно неточни.
Неверствата се резултат на несреќните врски
Иако ова е најточниот мит, сепак во одредени случаи тоа е само сплет на околности. И личноста која е потполно среќна во врската или бракот може да се најде во искушение да изневери. Луѓето настојуваат да најдат уживање во секоја работа, па не значи дека се несреќни со она што веќе го имаат, туку едноставно се љубопитни.
Неверството значи крај
За некои претставува нешто после кое не можат да преминат, но за други прилика за да го изградат својот однос од почеток. Кризниот период е најдобар начин за согледување и отстранување на оние нешта во вашиот однос кои претставувале пречка меѓу вас.
Еднаш неверен-засекогаш неверен
Уште еден мит кој треба да се елиминира. Иако повеќето се враќаат на старите навики, сепак има и такви кои извлекле поука од грешката која ја направиле. Не постои правило кое налага дека неверната личност секогаш ќе биде неверна.
Неверствата се само поради потреба од секс
Недостатокот од секс не е секогаш причина за некој да се изложи на таков потег. Постојат разни форми на неверства, а претежно тие се направени поради недостаток од внимание, емоции и љубопитност.
И да остане парот заедно, после неверство нема да бидат среќни повторно
Луѓето никогаш јавно не говорат за нивните не толку убави спомени кои им се случиле, па од таа причина и нема да слушнете за врски кои зајакнале после неверството или пак успеале успешно да ги обноват своите бракови.