Во денешното општество каде се поголема е бројката на самохрани мајки, главна тема е татковскиот пристап, односно колкава е неговата улога во животот на ќерките.
За разлика од синовите, кои некаде сè уште се сметаат за подарок од бог, ќерките понекогаш се непосакувани за нивните родители.
Неодамнешното истражување покажало дека татковците на своите ќерки им се и повеќе од потребни, најмногу за нивниот емоционален развој.
Според студијата објавена во Journal of Family Psychology кај ќерките кои имаат подобри односи со нивните татковци постои мала веројатност за развивање на анксиозност и депресија, а и подобро се справуваат со секојдневниот стрес. Тие исто така не се плашат отворено да зборуваат за своите емоции.
Работите како лични вредности, слика за себеси и чувство на контрола, се само дел од нештата кои ќерките ги развиваат со помош на таткото.
Здравиот однос на таткото кон ќерката допринесува таа да создаде позитивна слика за себе, да воспостави контрола врз нејзиниот живот што пак и создава чувство на доверба која е клучен сегмент за нејзиниот успех.
За разлика од порано, денес татковците имаат поголема можност да бидат вклучени во развојот на нивните ќерки. Уште од самиот почеток имаат право да присуствуваат дури и на самото раѓање на нивните мали девојчиња, да ги променат нивните пелени и да ги нахранат.
Никогаш не е доцна да се формира здрав однос со своето дете преку кој децата се стекнуваат со поголема самодоверба и со тоа имаат поголеми шанси за успех.