Колку да се чини дека е полесно да се води разговорот преку пораки наместо во четири очи, сепак има разговори кои би можеле да бидат погрешно разбрани или би завршиле неприкладно доколку се водат преку тој начин на комуникација.
Постојат неколку ситуации во кои мора да внимавате на начинот на кој ги соопштувате вестите.
Раскинување на врска
Без разлика дали сте поминале долго или кратко време во врската, вашиот поранешен партнер не заслужува раскинување преку пораки. Доколку сте решени да го сторите тоа, најдобар начин е да му кажете лице во лице внимавајќи на тонот и неговите чувства. Доколку тоа не е опција, можете да го направите истото преку телефонски разговор, но НИ ПОД РАЗНО преку пораки.
Кавга
Понекогаш бесот владее со нас и во тие моменти доволни се мали нешта за да започнете кавга со некого. Кавгата преку пораки е најлошото нешто кое може да го направите, а подобар начин да го решите вашиот проблем би бил соочување со него и соопштување на другиот во четири очи. На тој начин ќе бидете во можност да видите како тој реагира во тие мигови и навистина кои се неговите ставови за тоа. Во пораките може да напишете многу нешта кои всушност реално не ги мислите и со тоа да ги повредите своите и чувствата на оној кој се наоѓа на другата страна.
Пренесување на добри или лоши вести
Пренесувањето на лошите вести е доста посложена работа од пренесувањето на добрите вести. Иако може да ви се причини во еден момент дека ќе се ослободите од нив со пишување на порака, сепак во тие моменти треба повеќе да се внимава на оној кој ги прима тие вести.
Во тие мигови потребно е другата страна да ги забележи вашите чувства и да почувствува дека има поддршка од останатите.
Озборување
Озборувањето е доста актуелно низ социјалните мрежи, но подобро е да престанете да го практикувате. Некогаш не сте свесни дека потребно е малку за да западнете во непријатна ситуација од која сте можеле да се спасите. Без оглед на тоа дали сте мислеле лошо или не за озборуваната личност, никогаш во нејзините очи нема да бидете гледани како и претходно.