Со текот на времето нашите верувања стануваат наши мисли, а тие пак стануваат наши зборови кои на крајот се рефлектираат како наши дејства. Со помош на нашето дејствување градиме навики, а тие го рефлектираат нашиот карактер.
Навиките се дел од нашата природа, а со нив влијаеме на понатамошниот развиток на општеството. Доколку нашите навики се добри, тие ќе бидат пример за тоа како треба да дејствуваме во едно општество.
Треба да имаме на ум дека и лошите навики се дел од нашето живеење, иако можеби свесно ги носиме со себе или пак потсвесно правиме дела кои се одликуваат како лоши навики.
Ние луѓето сме живи суштества и го имаме тоа право и моќ самите да одлучиме дали ќе ги прифатиме лошите или добрите навики. Факт е дека многу е потешко да се ослободите од некоја лоша навика отколку да стекнете некоја добра.
Многумина од вас ќе се согласат дека лошите навики се стекнуваат лесно, а добрите потешко, но живеејќи со добри навики живееме мирен и исполнет живот.
Да бидете позитивни, оптимисти, ентузијасти, да верувате во својата моќ што ја поседувате како единка се добри навики. Можете да одлучите да поседувате повеќе добри навики, а да ги отфрлите лошите поради тоа што луѓето кои поседуваат добри навики целат кон успех, имаат успешни кариери и не ги гледаат пречките како најголемиот проблем што им се случило.
На пример колку многу значи насмевката која се смета за добра навика. Кога разменувате насмевка со вашите пријатели, колеги, па дури и луѓе кои првпат ќе ги видите на улиците добивате повратна насмевка. Тоа е поради фактот што луѓето возвраќаат кон вас на ист начин како вие се однесувате кон нив.
Живејте полесен живот, практикувајте добри навики и отфрлете ги лошите.