Сите ние имаме навики кои ги практикуваме дури и несвесно. Што се однесува до Меган Маркл, таа ужива да ја допира својата коса.
-Некои луѓе ја допираат својата коса, ги грицкаат ноктите или ги тријат рацете кога ќе се почувствуваат вознемирени и напнати, а тоа е начин за да се смират психички, тврди Бланка Коб, експерт за говор на телото.
Таа смета дека ова е возрасен одбранбен механизам како замена на стискањето на мече или цицање на прст кое го правеле личностите како помали за да се смират.
Сите имаме потреба од мала утеха од време на време. Најчесто недостатокот од самодоверба прави да изгледаме збунети и незаинтересирани, што може да резултира со загуба на овозможени шанси.
Во прилог прочитајте два совети со кои моментално ќе се зголеми вашата самодоверба:
Застанете со рацете на половина
Дали сте забележале дека често дамите од високите кругови ги држат рацете неколку минути на нивната половина? Овој потег прави тие да се чувствуваат независно и отмено, а доколку се најдете во слична ситуација од голема помош ќе биде доколку во тие минути се потсетите себеси на момент во кој сте се чувствувале исто, а од него сте излегле како победник.
Ставете аксесоар кој прави да се чувствувате уникатно
Уникатноста секогаш прави да се чувствувате ниво над оние кои секогаш носат монотони парчиња од страв да не погрешат со својот изглед. Чокерите се секогаш впечатливи аксесоари со кои се привлекува вниманието на останатите, сепак избирајте го моделот прикладно со настанот кој треба да го посетите.