Едно од најпогрешните правила во врските е она „За бившите не треба да се зборува“. Иако тоа до некаде е точно, што е со тој дел од вашиот живот? Како ќе му го прикажете на партнерот без да го спомнете во приказната?
Колку да ви се чини дека е тешко и чудно, сепак со таа личност сте делеле време од вашиот живот и неспорен е фактот дека покрај неубави сте проживеале и убави нешта.
Д-р Сузан Краус Витборн смета дека секогаш е полесно да се каже вистината отколку да се прикрие.
Таа советува дека ако треба да ја избегнете темата обидувајќи се да ги поштедите чувствата на другиот не треба да дозволите да бидете притиснати во агол од кој нема да ви биде овозможено подоцна да излезете.
Потребно е да се запрашате зошто на вашиот партнер би му пречело вашето минато и не би ве прифатил во сегашноста онаква каква што сте. Доколку помислите дека поради љубомора поттикната од љубовта кон вас би го направил тоа, постои огромно црвено знаме кое ја означува опасноста во врската.
Доколку сте решиле да се отворите дури и за најемотивните делови од вашиот живот, а вашиот партнер не ве прекине во постапката, тоа кажува многу за вашиот однос и значи дека треба да разговарате со него со цел подобро да се запознаете. Ако сепак реши да не ве сослуша, треба да размислите дали имате потреба од личност која и во иднина нема да има разбирање кон вас и ќе ви наметнува само свои ставови.