Летото е одличен период за трчање на отворено, а тоа го вклучува и трчањето на плажа, доколку сте на одмор. Иако е одмор, не значи дека треба по цел ден да лежите.
Пред тоа да го сторите, еве неколку совети:
1) Загрејте ги нозете
Трчањето на плажа ги активира мускулите во нозете повеќе отколку трчањето на асфалт или тврда површина, па важно е тие да се загреат пред да почнете да трчате. Тоа ќе го сторите со клекнувања на едно колено, вртење со колковите, високо кревање на колената и слично. Пожелно е да се загреат и зглобовите со нивно ротирање или затегнување на листовите.
2) Забавете го темпото
Промената на теренот и помалиот отпор кој го дава песокот ќе ве направи да се чувствувате како да трчате со врзани тегови на зглобовите, во споредба со трчањето на цврста површина. Затоа, уживајте во глетката и забавете го темпото на трчање за да избегнете повреда.
3) Трчањето мерете го во време, не во километри.
Трчањето на песок ги тера мускулите кои ги стабилизираат колковите, колената да работат двојно понапорно и побарува 1.6 пати повеќе енергија отколку трчањето на цврста површина.
Тоа значи дека 2 километри може да ги почувствувате како да сте истрчале многу повеќе. Наместо тоа, одредете си време кое ќе го поминете во трчање, а не километража.
4) Трчајте со патики, барем на почетокот
Трчањето со патики ќе им даде поддршка на вашите зглобови како и поголема стабилност на телото, што е пожелно за да се навикнете на новиот терен пред да трчате боси.
Исто така, во зависност од состојбата на плажата, трчањето боси може да предизвика дополнителни повреди, доколку на пример стапнете на остар камен, парченце стакло или некој отпадок и сл.