Дваесет и првото издание на GQ Men of the Year наградите, кое вчера се одржа во Лондон, на едно место ги собра најголемите имиња во шоубизнисот.
Гламурот на црвениот тепих овој пат го предводеа Кејт Бекинсејл, Рози Хантингтон – Вајтли, Рита Ора и Аби Кленси.
Бекинсејл ја вжешти атмосферата во цветен модел од пролетната колекција на Џулиен Мекдоналд.
По неа следеше подеднакво провокативната Аби Кленси, во креација од истиот моден креатор.
Рита Ора, е позната по тоа што секогаш сака да остави посебен впечаток со изборот на облеката што ја носи. За овој црвен тепих избра смела црна креација со потписот на Ралф и Русо.
Супер моделот Рози Хантингтон – Вајтли беше „најскромната“ од оваа модна четворка во елегантна тоалета од Версаче.