Само 30 минути пешачење дневно е докажано дека помага при редуцирање на стресот, подобрување на расположението, зголемување на густината на коските и др. Но, за да пешачењето се смета како физичка вежба, мора да се обрне внимание на рутата, брзината и формата со која тоа се изведува.
Избегнувањето на овие 4 грешки ќе ви помогне да согорувате повеќе калории и дневните прошетки да ги претворите во сериозни вежби:
1) Одржување на исто темпо
Менувањето на темпото за време на било која физичка активност не само што согорува калории, туку помага и за согорување на мастите. Во една студија било потврдено дека оние кои при пешачењето ја менувале брзината согорувале 20% повеќе калории од оние кои се движеле цело време со иста брзина.
2) Фокусирање исклучиво на кардио
Иако обичната прошетка е одлична кардиоваскуларна вежба (за 1 час се согоруваат околу 259 калории), додавање на вежби за силина ќе согори уште повеќе калории.
Сертифицираните тренери препорачуваат пешачење во траење од 3 минути, а потоа 30 секунди скокање со кревање на рацете (Jumping Jacks), клекнување за време на чекорење (walking lunges) и слични вежби.
3) Пешачење само по рамен терен
Искачувањето активира повеќе мускули во задникот и бедрата, а бидејќи се работи за големи мускулни групи, тие користат многу енергија и согоруваат повеќе калории од останатите. Па така потрошувачката на калории може да е поголема за 30% доколку се пешачи на нерамен или закосен терен.
4) Игнорирање на рацете
Користењето и на горниот дел на телото, а не само на нозете, при пешачењето активира повеќе мускулни групи, со што се зголемува и потрошувачката на калории.
Рацете може да ги активирате во пешачењето така што ќе ги превиткате за 90 степени и со стегната тупаница ќе ги кревате кон небото, а како уште поголем предизвик, може да држите лесни тегови од 0.5 – 1.5kg. Ова може да ги зголеми срцевите отчукувања за дополнителни 10 за минута и да ја зголеми потрошувачката на кислород за 5-15%, што согорува повеќе калории.