Во обид да ги принудат скептиците да ја признаат распространетоста на сексуалното вознемирување, швајцарскиот производител на пијалаци Schweppes и бразилската маркетинг агенција Ogilvy создале кампања наречена „Dress for Respect”, за чии потреби бил креиран „паметен фустан“ опремен со сензори кои следеле колку пати некој ја допирал личноста која што ја носи, кој жени го носеле во бразилски ноќен клуб.
Кога некој ја допирал жената која го носела фустанот, допрената област се осветлувала на компјутерскиот екран во контролната соба каде се следеле сигналите кои безжично се пренесувале од фустанот. Бил забележуван и интензитетот на допирот, бидејќи сензорите можеле да го мерат и притисокот.
За помалку од 4 часа, мажите ги зграпчувале и допирале трите жени кои го носеле фустанот вкупно 157 пати – што е повеќе од еден допир на секои 5 минути.
Ова не е прв пат технологија да се употребува за да се потенцира сексуалното и другите видови на вознемирување – жртвите на вознемирувањето на работно место може да ја користат апликацијата Talk to Spot за да ги документираат нивните искуства, додека оние на кои тоа им се случува на улица може искуството да го споделуваат преку платформата Hollaback!