Традиционалното доделување на SAG (Screen Actors Guild) наградите и овој пат им даде доволно материјал на модните критичари да ги коментираат холивудските ѕвезди со денови.
Сакала или не, Емили Блант, е онаа чиј изглед предизвика најголемо внимание, но не на начин кој што би го посакала.
Актерката, која беше прогласена за Најдобра актерка во споредна улога за филмот „A Quiet Place“,имавме можност да ја видиме во розова креација поради која доби лавина од коментари на социјалните мрежи.
Многумина го споредија изгледот на Блант со оној на женски полов орган, токму поради необичниот крој.
Стилистите на Лејди Гага повторно избраа раскошен фустан, овој пат од Dior.
Интересно е што модното парче кое го носеше таа, го имаше своето деби на ревијата во Париз што се одржа во понеделникот.
Двете дами кои поентираа високо кај модните критичари несомнено се Кетрин Зета Џонс и Маргот Роби.
Кетрин блесна покрај сопруг, актерот Мајкл Даглас, во темно син гламурозен фустан од Zuhair Murad , додека Маргот пленеше погледи во едноставна, но впечатлива златно- бела креација од Chanel.