Доколку сте обожавател на Емили Ратајковски досега сигурно знаете дека освен тоа што работи како модел –актерка и постојано се разголува на Instagram, таа е мошне посветена и на својата линија на костими за капење.
По повеќе од една година работа, Ратајковски во средата ја лансираше и својата Inamorata BODY колекција која опфаќа долна облека, боди, блузони и фустани.
-Ова е многу повеќе од долна облека. Се надевам дека ќе ви се допадне толку многу како што ми се допаѓа на мене, напиша таа на својот Instagram профил.
За да докаже дека навистина е повеќе од долна облека, промотивните фотки се направени во продавница. Тешко дека некој ќе оди вака облечен по намирници, но кога станува збор за Емили и тоа е можно.
