Според списанието „Максим“, најсексапилна жена на светот за 2019 година е манекенката Оливија Кулпо. Таа е на самиот врв на листата „Хот 100“ на бројот за јули-август.
– Секогаш на „Максим Хот 100“ сум гледала со восхит, објави на Инстаграм моделот што се обидува да зачекори и во светот на актерството.
– Има толку интелигентни и успешни жени кои ме инспирираа во мојата кариера, на безброј начини, што само ја прави оваа насловна страница уште позначајна. Сè уште не ми се верува, напиша Оливија под друга фотографија од себе којашто ја сподели со своите 4,1 милион следбеници.
Но, нејзините родители не секогаш ја поддржувале нејзината определба да се занимава со манекенство. Кога ја освоила првата титула „Мис Роуд Ајленд“, татко ѝ не дошол да ѝ честита…
– Со изговор дека слуша бејзбол натпревар, призна тогаш манекенката.