Млекото е вистински мелем за телото, независно од тоа дали го пиеме или пак се бањаме во него. Тоа е преполно со витамини, млечни протеини и ензими, па затоа ја негува нашата кожа и ја прави здрава и нежна.
Доколку мислите дека негата на телото секогаш мора да биде скапа, се лажете. Совршената нега може да биде мошне поволна и евтина, а да ја пронајдете во намирниците кои секојдневно се присутни во вашиот фрижидер. Млекото е еден од најстарите хранливи напитоци и мошне корисна состојка на многу препарати за нега на тело. Тајната на Клеопатра била токму во млекото и млечните производи. Млечниот шеќер и млечната киселина делуваат благотворно на кожата бидејќи ја навлажнуваат и ја прават мека.
Полномасното млеко е одлично за сувата кожа. Во него може да се пронајде голема концентрација на млечни маснотии и протеини важни за овој тип на кожа. Тие состојки го опуштаат целото тело и воспоставуваат рамнотежа помеѓу влагата и маснотијата.
Во прилог ви нудиме избор од неколку намирници кои може многу да ви помогнат во негата за вашето тело.
Јогурт
Содржи големо количество млечна киселина и помага во регенерацијата на кожата. Важи за најдобар лек во случај на изгореници од сонце бидејќи брзо ја смирува кожата.
Свежо кравјо сирење
Богато ја надополнува кожата со маснотии, а истовремено го чува нејзиниот природен заштитен слој.
Павлака
Таа е одличен избор за маснотии. Затоа можеме да ја користиме како маска за лице или како купка. Одлична е за сите третмани против брчки.
Кефир
Ја освежува кожата во масни киселини и jа отстранува површинската нечистотија.
Сурутка
Со својата Ph вредност потполно одговара на Ph вредноста на кожата. Добро е од неа да приготвите препарати за смирување на кожата. Купките направени на база на сурутка може да ги смират симптомите на неуродермитис и псоријаза.