Избирањето на вистинското име за вашето бебе може да биде навистина голем проблем особено кога родителите не се согласни или пак некој од семејството инсистира детето да се нарече по некој роднина. Можеби токму затоа повеќе од половина од родителите не се задоволни со изборот на име што го направиле.
Според едно британско истражување дури 49 проценти од луѓето признаваат дека името што го избрале за своето дете не ја отсликало неговата личност во подоцнежниот живот. Секој 25-ти родител повеќе би сакал уште во старт да се определел за некое друго име.
Повеќе од четвртина од испитаниците истакнуваат дека го мразат сопственото име бидејќи е премногу често.
-Избирањето на вистинско име за вашите деца може да биде тешка задача. Сепак, нема никаква гаранција дека на вашето дете ќе му се допадне изборот. Останува само да се надевате дека сè повеќе ќе му одговара како што ќе се развива личноста, вели Ниха Мекоглин, уредник на веб сајтот gurgle.com кој го спроведе истражувањето.
Според истражувањето 22 проценти од родителите не можеле да го му го дадат на детето името што го избрале, поради тоа што другиот родител мислел поинаку. Петина од испитаниците признаваат дека и самите би сакале да го променат името кои им го избрале нивните родители.