Убавото однесување денеска раѓа сомнеж, покажа истражувањето кое се спроведе во Велика Британија. Резултатите покажаа дека жените се особено внимателни ако мажот е внимателен и љубезен, да дури 89 отсто од нив не би прифатиле помош, на пример некој да им ги носи кесите од шопинг.
Психолозите заклучуваат дека жените станале сомничави затоа што во денешно време кавалерите се многу ретки.
Непријатност создаваат и постапките кои би требало да бидат вообичаени, да речеме, кога маж ќе и ја придржи вратата на девојка, или и го понуди својот капут доколку и е студено. Овие традиционално „витешки“ постапки во денешно време се толку ретки, што жените веднаш се загрижуваат дека „имаат некакви задни намери“.
Девојките веќе не мечтаат за принц, туку сакаат да бидат самостојни и независни, па согласно на тоа се смениле и стандардите. Осумдесет и два отсто од жените кои учествувале во анкетата, изјавиле дека инсистираат на заедничко плаќање на сметката на првиот состанок, а дури 52 отсто од испитаниците инсистираат сами да ја платата целата сметка.
Резултатите покажале дека нема никаква поента да им се нуди помош на дамите, затоа што 89 отсто од жените не би прифатиле маж да им ги носи тешките кеси од шопинг. Романтичниот гест кога мажот ќе ја наметне девојката со своето сако затоа што е студено има смисла само на филм, во реалноста 78 отсто од жените поради би смрзнале отколку да ја прифатат таквата љубезност.
Изгледа дека сме заборавиле дека луѓето можат да бидат љубезни и фино воспитани без да имаат „задни намери“...