По оваа вежба вие ќе бидете подготвена за вашите омилени тесни фармерки!
Популарниот селебрити фитнес тренер Дејвид Кирш е човекот кого Наоми Кембел му се обраќа кога треба да се доведе во топ форма пред некоја ревија или пак јавно појавување. Со нас тој одлучи да ја сподели омилената вежба на прекрасната манекенка за задникот, која вие можете да ја додадете во било кој тренинг и така да ги затегнете и обликувате мускулите на нозете и задникот. По оваа вежба вие ќе бидете подготвени за топлите денови кои се пред нас и ќе нема потреба да се срамите да ги облечете вашите тесни и кратки шорцеви, пантолони или фармерки.
За вежбата ви се потребни топка за пилатес и подлога за вежбање, како и неколку минути слободно време.
- Легнете со лицето кон подот, така што колковите ќе ви одмараат на топката, а рацете и стапалата ќе ги ставите на земјата со цел да одржувате рамнотежа.
- Испружете ги нозете стапалата кон надвор, така што нозете ќе ви бидат во облик на буквата V
- Полека подигнете ги нозете околу 30-на сантиметри и цврсто стегнете ги едни до други.
- Собраните нозе полека спуштајте ги кон подот, а пред крајот повторно раширете ги во положбата V.
- Повторете го ова 15 до 20 пати.
Псст! Освен пилатес, Наоми е голем фан и на јогата! 44 годишната „Црна пантерка“ знае често да се пофали со своето совршено тело на Instagram, ставајќи фотографии во различни јога-пози.
Погледнете го видеото во продолжение, можеби вежбате ќе ви стане појасна. Пријатно вежбање!