Кога станува збор за справување со крајот на една љубовна врска, сигурно многу пати сте го добиле советот дека не треба веднаш да влегувате од една врска во друга.
Иако ова го земаме како универзално правило и прифаќаме дека треба да направиме пауза за себе после раскинувањето, едно ново истражување го сугерира токму спротивното.
Заедничкото истражување на два американски универзитети City и Illinois, покажало дека скршеното срце најбрзо ќе го излечиме доколку пронајдеме нов партнер.
Имено, резултатите покажале дека оние кои веднаш после раскинувањето нашле нов партнер, биле посреќни во новата врска. Со други зборови, формулата за лечење скршено срце вклучува уште една личност.
За разлика од самувањето, во новата врска ќе се чувствуваме посамоуверени и позадоволни со самите себе, истакнуваат научниците. Ќе бидеме попозитивни и повесели, а со самото тоа полесно ќе се опоравиме од раскинувањето.
Значи, со главата горе и насмевката на лице, тргнете во потрага по некој кој ќе ви ги скрати маките!