Црно –белиот фустан со цветен мотив од пролет-лето колекцијата на њујоршкиот дизајнер Dennis Basso е мало уметничко дело кое е како создадено за црвениот тепих.
Британската водителка и модел, Мајлин Клас, остави драматичен впечаток, откако се појави на годинешните Olivier Awards во Лондон токму во оваа импресивна креација.
Клас го комбинираше монохроматскиот фустан со дијамантски обетки и со тоа стана главна ѕвезда на вечерта.
Гламурозниот, а сепак едноставен, модел со цветен принт е инспириран од балските венчаници и е модно парче кое дефинитивно заслужува внимание.