Тајната на љубовната среќа лежи во голотијата, открива студијата на американската организација Cotton USA која била спроведена на 1004 луѓе. Паровите кои спијат голи се посреќни отколку оние кои спијат облечени во пижами, пишува Daily Mail.
Скоро 57 отсто од „нудистите“ во кревет се позадоволни во љубовните врски во однос на 48-те отсто од оние кои спијат во пижами, 43-те отсто кои во текот на вечерта носат ноќници односно боксерици и 38-те отсто кои спијат во едноделни пижами. Еден од десет луѓе на планетата спие гол, а скоро половина од нив се над 55 години.
- Многу фактори влијаат на брачната среќа, а оние од спалната соба луѓето најчесто не ги сфаќаат сериозно. Вистинската и меката постелнина е нежна за кожата и луѓето во неа се чувствуваат удобно што ги прави отворени за интимност и уживања. Наместо да се облекувате, во лето спијте голи и уживајте заедно со партнерот. Искористете ја фантазијата и допирајте се во текот на ноќта, истакна Стефани Тхиерс-Ратклиф од Cotton USA.
Освен изборот на облека, на среќата во врската влијаат и манирите на партнерот во спалната соба. На половина од луѓето им смета тоа што партнерот јаде во кревет, 59 отсто не ја поднесуваат нечистата долна облека на подот, а на петтина им смета тоа што нивната подобра половина носи чорапи во креветот.