Дали вашиот партнер има карактеристики на психопат? Тој ги знае сите романтички гестови, кажува вистински работи во вистински момент, но само додека не го добие тоа што го сака – контрола врз вас. Психо-партнерот уште од првиот ден се „продава“ себе си како голема награда. Доколку ги забележите овие знаци, почнете да бегате бидејќи таквиот партнер со себе не носи ништо добро.
Еве со какви карактеристики се одликува тој:
Тој е совршен
Вашиот инстинкт ви е најголемиот сојузник во препознавање на психо-партнерот. Доколку внатрешниот глас ви зборува дека нешто е премногу добро за да биде вистинито, тогаш најверојатно е така. Тој ги знае сите романтични гестови, ги кажува вистинските работи во вистински момент, но само додека не го добие тоа што го сака – контрола врз вас.
Тој е вистински џек-пот
Психо-партнерот уште од првиот ден ќе се промовира себе си токму така. Без срам ќе се фали за своите постигнувања, со цел да остави впечаток на емоционална и финансиска стабилност, додека вистината е всушност сосема поинаква.
Дали ве има навредено?
Да, многу веројатно. Мажите кои имаат социопатски тенденции многу веројатно се вешти во манипулација, откриваат експертите. На почетокот можеби нема таквите зборови да ги сфатите како навреда, а тој постојано ќе ве разубедува дека погрешно сте го сфатиле она што тој сакал да ви го каже. Бидете сигурни дека не било така.
Како се облекувате?
Тој сака да има контрола врз вас како личност, но и врз начинот на кој се појавувате пред другите. Тој ги следи вашите реакции во одредени области, за да ја идентификува вашата несигурност. Така, тој ќе сака да го промени вашиот стил на облекување и шминкање на начин на кој му се допаѓа нему, но во суштина она што сака да го постигне е да пронајде нов начин да ве понижи и направи помалку привлечна за другите.
Вие сте криви за сè
Нарцисоидната страна на психопатот го прави неспособен да прифати вина за било што. Тој ќе направи сè за да ве увери и да ви ја префрли сета вина вам.
Сите мислат дека тој е добро момче
Крајниот начин на неговата контрола е да ги шармира сите луѓе кои ви значат, за вие да излезете виновникот во секое сценарио и ќе стори сè за никогаш да не го открие неговото вистинско лице.
