Стриите, целулитот, вишокот килограми и поткожните влакна се само дел од нештата кои ги имаат обичните жени, а модерната индустрија за убавина се обидува да ги негира форсирајќи тренд на непостоечки совршен изглед.
Американката Тенис, Џекс Блејк, инаку мајка на 5 деца, стана мета на негативни коментари откако постираше селфи фотографија од плажа на која го покажува својот стомак. Проблемот е во тоа што наместо стегнатата половина, Тенис храбро ги фотографираше своите стрии кои можеби не изгледаат убаво, но се честа појава по породувањето.
Нејзиниот потег предизвика револт кај подржувачите на совршениот изглед, кои не избираа зборови со кои ја критикуваа велејќи дека наместо да ги слика своите стрии, треба да се срами од себе си.
По ова, Тенис храбро реши да го возврати ударот:
-Се извинувам што мојот прв обид да се сончам во бикини по 13 години ви е одвратен. Се извинувам поради што мојот стомак не е рамен. Се извинувам што имам стрии. Не се извинувам што моето тело беше место во кое се создадоа, растеа и се развиваа 5 неверојатни, здрави, интелигентни и прекрасни човечки суштества. Се извинувам што моите 33 години и тело од 56 килограми ве навреди толку многу што почувствувате потреба да ме посочите, исмевате и да се мислите дека сте ме понижиле. Но, како што ги гледам вашите совршени млади тела, си мислам „кои неверојатни и убави нешта ги направиле тие?“.Сакам да знаете дека ја држам својата глава високо и покрај тоа што ми се потсмевате, но се преправам дека она што го кажавте и направивте нема ефект врз мене, но плачев во автомобилот возејќи се кон дома. Ви благодарам што ми го уништивте денот. Луѓето како вас го прават овој свет грд и полн со омраза. Ги жалам жените кои еден ден ќе ги родат вашите деца и ќе станат „одвратни“ во вашите очи бидејќи нивните тела се менуваат за време на неверојатниот процес на бременоста. Ми останува само да се надевам дека еден ден ќе сфатите дека моите лузни се нешто со што треба да бидеш горд, а не да се срамиш.